مسجات ضياع 2010

استعرض الموضوع السابق استعرض الموضوع التالي اذهب الى الأسفل

مسجات ضياع 2010

مُساهمة  Admin في الأحد يوليو 25, 2010 10:00 am

صرت أنا للحب والدمعة أسير
في حياتي يوم راحة ماظهر
مظهري جنه ومضموني هجير
مرقدي تمثيل والواقع سهر
جيت يمك وأنت عزمت المسير
صرت ضدي مع صواديف الدهر
الوداع فراق والموقف مرير
والعزى ماضيك والحاضر قهر

*-*-* *-*-* -*-*-* -*-*-*

مات حبك والبقية في حياتك
في حنايا خافقي لاقى مصيره
خذ مع الجثمان باقي ذكرياتك
تجربه حبي معك كانت مريره
مايعرف الحب من سوى سواتك
يجهل الإخلاص من ضيع ضميره
غرني ياصاحبي ظاهر صفاتك
غلطتي يا للأسف كانت كبيره

*-*-* *-*-* -*-*-* -*-*-*

في كلامي بختصر حروف القصيد
وأذكر الغالي مهما كان بعيد
بدعي له بالخير والعمر المديد
يا عسى صالح أعماله تزيد

*-*-* *-*-* -*-*-* -*-*-*

أخطيت يوم اني طلبت حنانك
لاصرت فاقد الشي وش لون تعطيه ؟
مهما نطق لي بالمشاعر لسانك
بدون إحساس صعب أقتنع فيه
إحساسك المصنوع خنته وخانك
جاملتني به وانت تجهل معانيه

*-*-* *-*-* -*-*-* -*-*-*

اسهر الليل وجنبي الجوال
اخزن فيها شعري واغنيه موال
من شافني قال الله يرحم الحال
كله افكر فيك يا مشغل البال
محيرن تفكيري وصفك يالغزال
ياقلبي خلي عنك القيل والقال وكلام العذال
انساك يا عمري هذا محال

*-*-* *-*-* -*-*-* -*-*-*

لا تظن اني يوم هويتك هذا لعب عيال !

لا ولاهي مشاعر عابرة أو نزوة تعتريني

عمر العشق ماكان كلمتن سهلة وتنقال

اذا زاد الوله مره وفاض الشوق فيني

*-*-* *-*-* -*-*-* -*-*-*

ياللي نقشت الحب في قلب مغليــك
دامك نقشتـــه ليش تنـكر غلاتي
عهد علي أنــي على النفس أبديك
ماانساك دامــي عايش في حياتـي
أبيــك مثل أول وتتــرك تغليك
كانك تقــــدر
غربتي مع غلاتي ! !

*-*-* *-*-* -*-*-* -*-*-*

تسلى بعذابي
لا يهمك
مابقى شي أستغربه
أظهر مهارتك وفنك
الموت منك أستعذبه

*-*-* *-*-* -*-*-* -*-*-*

لاتبيع نفسك رخيصه

ولاتذلل للي ماهمه هواك

بيدك امسح ذكرياته

وانسى حبه واترك همومك وراه


*-*-* *-*-* -*-*-* -*-*-*

جالس أناظر هالمكان

يمكن يرجعلي الحنان

كل يوم في نفس المكان في نفس الزمان

أنا انتظر لحظه لقاه

*-*-* *-*-* -*-*-* -*-*-*

كانت الدنيا مسافه

وكنت لي انت الطريق

صارت اللحظه كلافه

والامل دربه يضيع

*-*-* *-*-* -*-*-* -*-*-*

حاولت اصدق فرحتي

وأعيش الفرحه برجاه

لقيت نهاية قصتي

تبدأ بنظره معاه

*-*-* *-*-* -*-*-* -*-*-*

شلون هالدنيا بدونك

شلون لو ما انت فيها

والله ماتسوى بدونك

ياأغلى من يمشي عليها

*-*-* *-*-* -*-*-* -*-*-*

يازمن ماله شبيه

هو حياتي وكل سنيني

كل مافيني يبيه

لهفتي وشوقي وحنيني

*-*-* *-*-* -*-*-* -*-*-*

لو فرضنا افترقنا

وين عن مثلك اروح

انت اغلى من عيوني

عين قلب وعين روح

*-*-* *-*-* -*-*-* -*-*-*

تغيب ويكبر غلاك

ويزيد فيني هواك

لو ابعدتنا الليالي

لاتظن قلبي نساك

*-*-* *-*-* -*-*-* -*-*-*

في قلبي انت الحبيب

مهما ياروحي تغيب

انتظر شوفة عيونك

أحسك أقرب قريب

*-*-* *-*-* -*-*-* -*-*-*

من قبلها والحظ بالحيل عاثر

ومن بعدها والحظ لولو ومحار

لعيونها مديت كف المشاعر

واهديتها قلب انجرح كل الاعذار

*-*-* *-*-* -*-*-* -*-*-*

انت حبيبي وانت نصيبي

انت الامل اللي اعيش برجاه

حبك خذاني لدنيا الأماني

وصرت بحياتي عمري ومناي

*-*-* *-*-* -*-*-* -*-*-*

آه لو تدري حبيبي وشكثر انا أحبك

كان ماتبعد دقايق او ثواني عن دربك

*-*-* *-*-* -*-*-* -*-*-*

تدلل ياحبيبي

مادامك في قلبي الأول

سكنت بحياتي وروحي

وصرت بعيوني الأجمل

حبيبي يا كل المحبه

ياشوقي ويا كل الأحبه

وهبتك انا كل حناني

وبعدك أنا مااتحمل

تدلل ياحبيبي

*-*-* *-*-* -*-*-* -*-*-*

قبل لاتنهي حياتي في ثواني

عطني من وقتك حبيبي لو ثواني

اسألك بالله جاوبني بضمير

أنا راضي ياحبيبي باللي يصير

عمري مره قلت لك " لا " بحياتي

وإلا جيتك أشتكي مره بحياتي

قول ياعمري تكلم

ليش ساكت قول سمعني وتكلم ..!!

*-*-* *-*-* -*-*-* -*-*-*

أدري بكره بيسألوني

عن غيابك .. عن بعادك

تدري انا شراح اقول

اني بعتك واني عفتك

وان مالك اي قبول

انا مو خايف على نفسي

أنا خايف عليك

خايف العالم حكيهم

يشتري ويبيع فيك

*-*-* *-*-* -*-*-* -*-*-*

اجمل " زمن في ظل حبك قضيته..
واحلى قصيده قلتلها فيك ولهان..
والعين " تهوى" كل درب مشيته..
والرجل تاطى لك شعوب ووديان..
" حبك " هو اللي في الحياة أرتجيه..
وعرفت في قربك"غلا" كلمة انسان..

*-*-* *-*-* -*-*-* -*-*-*

رســـــــــــــــــــــــ ـــــالتي
تذكار لاغلى المحبين
عبيرها نفح الوفا والموده
تثبت لك ان الحب بيننا للحين
باقي ودوم اشواقنا مستجده
ماهي مقامك
انت محظوظ بالعين
لكنها تذكار للي احبه

*-*-* *-*-* -*-*-* -*-*-*

لك منزل عن باقي الناس مرفوع
مكانتك بالقلب مااحد خذاها
واقول
" غــــــــــــــــــــــــ ـالي "
بعالي الصوت مسموع
واخفي جروح الياس واشعل رجاها
اعاند الاشواق وامشي لها طوع
واسامر نجوم الغلا في سماها

*-*-* *-*-* -*-*-* -*-*-*

ماعاد يغريني القمر ليلة النصف..
عادي طلع والا تحجبه سحابه..
من يوم راح اللي فلا شفت له وصف
صارت معي كل الليالي تشابه..
مثل البليد اللي جلس بأخر الصف..
ماشال هم الاسئله والاجابه..

*-*-* *-*-* -*-*-* -*-*-*

في العين لك
( دمـــــــعـــــــه)
حزينه من البوح..
منديلها المبلول يرثي زمانه
ياللي غلاتك عندي أغلى من الروح
وفي القلب لك عندي مقر ومكانه
ابيك تسأل نفسك اليوم وتروح
" منهو اللي من غبت بأحيا (عشــــــــــــانه)"

*-*-* *-*-* -*-*-* -*-*-*

ماكل من يضحك بوجهك يودك
ولا كل من يبكي بكى صدق واحساس
احدن بكى في غيبتك يوم صدك !
واحدن ضحك يومك عليل ومحتاس !
عش في حقيقة واقعك واعرف اللي يحبك
واعرف قدر من هو يحبك من الناس

*-*-* *-*-* -*-*-* -*-*-*

يمكن تطول غيبتي سنين وسنين..
وفيها عيوني مايطولك نظرها..
لكن تأكد لو تضيع العناوين..
تكشف لك الدنيا وخافي قدرها..
انك عزيز ومنزلك داخل العين وبين الرموش
وبين صافي بصرها

*-*-* *-*-* -*-*-* -*-*-*

الزمن يفرض سؤال كل اجاباته محال
السعاده شي واضح ولا من وحي الخيال؟
في بدايات الامور تبني احلامك قصور
ولما تتعمق على نفسك تدور
كلنا محد سلم من تعاسه أو ألم
بس منهو اللي فينا
من وسط قلبه ابتسم؟

*-*-* *-*-* -*-*-* -*-*-*

ياصاحبي في خاطري اسألك شي؟
شي معكر كل صافي حياتي !!
ان كنت انا مدري بغلاتي وانا حي !!
وش مكسبي كانك حزنت بوفاتي !؟؟

*-*-* *-*-* -*-*-* -*-*-*

ياسائل عني من القلب لبيه..
صوت عزيز وغصب عنا نلبيك..
مثلك من الاجواد لاشك نغليه..
ونفتح لك ابواب الخفوق ونحييك..
أشري رضا من يشتريني واراضيه..
واقول له.. بالروح والعين نشريك\

*-*-* *-*-* -*-*-* -*-*-*

اسير وقلبي بين همك وطاريك
وطيفك يباريني وكنه ظلالي
كل المشاعر في غيابك تناديك
امشي وادور في وريدي سؤالي
ياعل قلب مايحبك ويغليك
يصلاه من بين الشرايين صالي
والمشكله ماينتهي حب غاليك
في ذمتي لو ينتهي كل غالي

Admin
Admin

المساهمات : 614
تاريخ التسجيل : 14/06/2010

معاينة صفحة البيانات الشخصي للعضو http://neam2020.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى